9. ikasgaia:
txoriak euskal musikan

 

PATXO: Garai hartan, euskal musikak bazeukan gai nagusi bat.

MIKEL: Askatasuna.

PATXO: Ez.

MIKEL: Euskara? Justizia? Demokrazia? Burujabetasuna?

PATXO: Txoriak.

MIKEL: Zer?

PATXO: Ez zara konturatu zenbat txori agertzen diren gure kantetan?

MIKEL: Ez da hainbesterako izango.

PATXO: Bost euro baietz dozena bat kanta bilatu oraintxe bertan, txoriak aipatzen dituztenak!

MIKEL: Ezetz nik!

MUSIKARIAK: Ea ba... Txori Erresiñula, udan da kantari!

MIKEL: Bat!

MUSIKARIAK: Aldapeko sagarraren adarraren puntan txoria zegoen kantari...

MIKEL: Bi!

MUSIKARIAK: Txori eierra, hain alegera...

MIKEL: Hiru!

MUSIKARIAK: Txori txikia nintzelarik esan zidaten...

MIKEL: Lau!

MUSIKARIAK: Horma zahar arrailduetan, txoriak dira kantatzen.

MIKEL: Bost!

MUSIKARIAK:

                        Euskal Herriko tristura

                        soineko beltzen joskura

                        txori negartiz bete da eta

                        umorez hustu da.

MIKEL: Sei!

MUSIKARIAK:

                        Txoria baino ere arinago dantzan.

                        Huraxe bai polita, han politik bazan.

MIKEL: Zazpi!

MUSIKARIAK: Nik zu zaitut, maiteago txoriak bere kumeak baino.

MIKEL: Zortzi!

MUSIKARIAK:

                        Xori eier bat atzaman duzu

                        Paubeko seroren komentin.

MIKEL: Bederatzi!

MUSIKARIAK: Iduri gu gerala kaiola batean jarritako txoriak fusilen menpean.

            Ez, ez dut nahi, ez ez ez...

MIKEL: Hamar!

MUSIKARIAK: Eta nik eta nik... Txoria nuen maite!

MIKEL: Hamaika!! Hamaika besterik ez. Eman bost euro.

PATXO: Itxoin! Besteren bat egon behar du.

MUSIKARIAK: Uso zuria, uso gorria, dantzan dabil suaren gain!

MIKEL: Ez du balio! Txoria esan dugu.

PATXO: Usoa txoria da. Hegazti bat!

MUSIKARIAK: Hegazti errariak pausatu dira leihoan.

MIKEL: Ez...!

MUSIKARIAK: Txantxangorria naiz, gelako sapaian...

MIKEL: Ez! Txoria aipatu behar da, txoria hitza. Eta hamaika atera dituzue.

PATXO: Itxoin! Bizkaiko aberatsak!

MIKEL: Bizkaiko aberatsak??

MUSIKARIAK: Bizkaiko aberatsak dira diruzale Txerri erosle eta txori...

PATXO: Hamabi!!!

 

mikelek apustuaren dirua ematen dio patxori.

 

MUSIKARIAK: ...zo saltzaile!!