II.
Aintzineko agerraldian bezala, bulego batean gira. Pilotako trofeoek apaintzen dituzte paretak. Erdian, pilota elkarte baten ikurra: “Punpetik”.
Azpian, aintzineko agerraldiko afitxa bera: “IBIAKOITZEAN, PILOTA PARTIDA: PATRIK UZKURRA JEAN CLAUDE BIESKU.BI / JEAN FRANCOIS ARINBURU-FILIPE MUSTUKA-ren kontra”.
Elkartearen lehendakari den pattin zuriko joan jinka dabil, zigarroa ahoan. Jarririk da manana segretarioa, bere besoetako ginarriak lantzen ari.
PATTHN ZUKIKO - MANANA
Pattin Zuriko: Eskandalagarria! Eskandalagarria! Zer ostikoa hartu duen nere ohoreak! Zer ahalge ezin jasana bizi dutan! Nago ez naizen mundu huntako uharterik galduenerat joanen kukutzerat! Ez dakit nik Eeh...
Manana: Uhartirirat?
Pattin Zuriko: Andere Manana! Fauxtin Ezker deit ezazu, hunarat jin dadin lehen bait lehen!
Manana: (Telefonoan) Bai! Fauxtin Ezker? Hemen Manana, “punpetik” elkarteko segretarioa! Pattin Zuriko gure jaun lehendakariak nahi zitu mintzatu! Kexu denez? Zaude! Galdatzen diot! (pattin zuriko-ri) Kexu zira?
Pattin Zuriko: Adituko ditu bereak!
Manana: (telefonoan) Erran du adituko dituzula bereak!
Pattin Zuriko: Ez: “zureak”! Erran behar zako “erran du adituko dituzula zureak”!
Manana: Bainan, oraitan zinion adituko zituela bereak!
Pattin Zuriko: Ez! Adituko ditu bereak, beraz berari hitz eginez, erran behar zako “adituko dituzu zureak”!
Manana: Nereak? Zer makur egin dut nik, jaun lehendakaria?
Pattin Zuriko: Ez, Manana! Berak adituko ditu nereak!
Manana: Ah, zureak! Ez bereak orduan!
Pattin Zuriko: Aski da, andere Manana! Zuhaurrek nahasten nuzu! Ez da ene nardaarazteko mementoa, bizi dituztan oren zailekin gainerat! (Ahapetik) Hau segretario tuntulina! “Denek Bi” pilota elkartekoa hartu banu bederen, hunen orde!
Manana: Zuriko Jauna! Fauxtin Ezker beha dago telefonoan!
Pattin Zuriko: Gure entrenatzaile ospetsua bulego huntarat etor dadila eta gure bi pilotari baliosak ekar ditzala berekin!
Manana: Zoin pilotari?
Pattin Zuriko: Eta galdatzen oraino? Atzoko balentria egin daukuten biak! (bien izenak erakutsiz paretako afitxa gainean)
Manana: (telefonoan) Beraz etor zaitez Jean Fracois Arinburu eta Filipe Mustuka-rekin eta adituko ditugu zureak!
(Argia itzaltzen da).