|
Kattalin umezurtza, Alejandro Tapia Perurena III KATTALIN, JOXE, PATXIKO Lengoak, Patxiko ta mutiko (ume) mordoska bat. (eskuin aldetik agertzen da Patxiko). PATXIKO: Jo! Orra gure Joxe azkarra (atari dan lekurontz itzulita) Aizue, adiskideak!, atozte abudo. Orra non dagon Joxe, ongi arazotua gañera! Atozte abudo...!! MUTIKUAK: (Urrundik) Eldu gaituk...!! PATXIKO: (Onen oiuak entzutean, Joxek Kattalin utzi du bakean. Au negarrez asten da). PATXIKO: (Isekaz) Banekikan «balientia» itzela bañan ongi aski zekusat (ikusten diat), ire «balentia» guziak neskatikoak izitzeko gordetzen dekala. Mutikuekin, ez augu ikusten orren ausarta, aatik; (Urbiltzen da) Zer egin diok Kattalin-i? JOXE: Iri zer? Ez duk emen egitekorik. PATXIKO: Jo nere solasak iretsi bearren naurek. Uste nikan baño bioztuna aiz. Zertaz jo duk Kattalin? JOXE: Gogoa etorri zaidakelako. Gaie emendik. Ez duk emen ikustekorik. PATXIKO: Aizak, Kontuz ibili gero! Badiat emen ikustekorik. Len, neskatiko polit bati mintzen dikan biurri zitalari ibazi (merezi) bikaiña emateko... Ta gero, atzendu zaik Kattalin nere lengusiñe dekala? JOXE: Bai nai badik! PATXIKO: (Kattalin'i urbiltzen zaio) Zer egin dikin astakirten orrek? KATTALIN: O, ez duk ezer. Biok aserretu gaituk. Arrek kitakume deitu niauk, ta nik berriz bareyale. Ordun yoka asi zaidak. Baño ez kasorik egin. Ni naiz erruduna; ez nioken orrelakorik erran bear. PATXIKO: (Kattalin'i) I aiz erruduna! I beti bertzien gaiztakeriak ire gain artzen! Ez, i ez aiz erruduna. Bazekiat ongi aski nor deken emen erruduna; kaiku ori, ta orrekin batean etxe ortan sartu ditukenak. KATTALIN: Ixo, Patxiko, ixo, Jainkoaren izenean. PATXIKO: (Joxe besotik atzi ta gogorki iñarrasten du) Aizak, kaiku: berriz ile bat ukitzen ba diok Kattalin'i xeatuko aut. JOXE: Utzak. Zer zaik iri. (Bultzada batez baztartzen da). Nik egiñen diat nai diatena. Ta gogoa etortzen ba zaidak zanpatuko diat kitakume ori. PATXIKO: Oraintxe ikusiko diagu nor izain deken zanpatua (Joxe'n gana doa aserre bizian). KATTALIN: (Bien artean yarrita) Patxiko, Patxiko, otoi, ez yo! Kattalin umezurtza, Alejandro Tapia Perurena
|
